PYF 19th BIENNIAL CONFERENCE TLUANG TAKIN HMAN A NI

PYF 2011

PRESBYTERIAN YOUTH FELLOWSHIP
Presbyterian Church of India
19th BIENNIAL CONFERENCE
(April 29, 2011-May 1, 2011)
A hmun : Chanmari Presbyterian Church, Aizawl

Thuhma : India rama Presbyterian Kohhran Inzawmkhawm - Presbyterian Church of India(PCI) hnuaiah hian Synod pariat (8) kan awm a, Heng Synod 8 hming leh an thalai pawl hming theuh bracket chhung zelah hian dah a ni - Mizoram Presbyterian Church Synod (KTP), Cachar Hill Tribes Synod (PYF), Manipur Presbyterian Church Synod (PYF), Biateram Presbyterian Church Synod (Kristian Vanglai Pawl-KVP), Rhiboi Presbyterian Church Synod(PYF), Khasi Jaintia Presbyterian Synod Mihngi (Jingiaseng Samla-JS), Khasi Jaintia Presbyterian Synod Sepngi (Jingiaseng Samla-JS) leh Zou Presbyterian Church Synod (PYF) kan awm a. PCI hnuaia thalai pawl hi Presbyterian Youth Fellowship(PYF) tih kan ni a. Heng Synod 8 hnuaia thalai pawl theuh bakah hian associate units 4 kan awm a, associate units te hi - Kristo Jungbo Songho KJS (Barak Area), Meitei Presbyterian Christian Naharup (Manipur), Karbi Anglong Gen. Assembly Administrative Area-KGAAA (Karbi Anglong) leh Tripura PYF (Tripura) an ni.

PYF thiltum - Aims and Objectives: 1. Kristian Thanlenna leh Pathian leh midangte nena inlaichinna tha. 2. PYF hnuaia thalai pawlte rawngbawlna kawnga thawhhona tha. 3. Thalaite zingah Inpawlhona leh rawngbawlna tihchak, a bik takin Kohhran pumpui thatna turah. 4. Hruaitu tha nihna leh theihna hrang hrang hmasawna tura inzirtirna kawng siamsak.   5. Tangkai taka Presbyterian Kohhran tana Thalaite rawngbawlna leh Kohhran hnathawh tihpuitlin. 6. Thalaite zingah Kristian inpumkhatna tha. 7. Kohhran dang kan thawhpuite nena inunauna tha siam. 8. Talent leh thiamna- a bik takin thuziah, thusawi leh theihna dang haichhuah kawnga puih. 9. Tunlai khawvela Kristian thalaiten chona leh harsatna kan tawhte lo hmachhawn thiamna thalaite hnena tuh.

Conference report
Palai : PYF hnuaia Unit hrang hrang atanga palaite hi April 29, 2011 (Zirtawpni) khan kan thleng khawm a, registration tih nghal a ni. Registration tih dan chu -

    1.    PYF Central Committee    –    8
    2.    CKTP *    –    63
    3.    JSKJP Sepngi    –    116
    4.    JSKJP Mihngi    –    58
    5.    Manipur Synod PYF    –     18
    6.    Zou Synod PYF     –    29
    7.    CHT Synod PYF    –    24
    8.    Tripura PYF    –    7
    9.    Kristo Jubo Sangho    –    20
    10.    KAGAAA    –    20
    11.    Ribhoi Synod PYF    –    28
    12.    Central Kristian Vanglai Pol    –    20
    13.    Meitei Presbyterian Naharup    -     Nil
    14.    PYF Resources Persons    -    3
    15.    Presbyterian Women Fellowship (PWF)    -    4
* CKTP palai-ah hian CKTP Central Committee awm lohna Bial atangin inruat a ni
    Pathiannia thleng tlai 30 nen kan vaiin 448 kan ni a. PYF Biennial Conference-a palai thathnem ber tum a ni.
Hun Hman dan tlangpui :
Pathian Biak Inkhawm tum 5 neih a ni a. A tan zanah hian Rev. Zosangliana Colney-in kan Thupui - ‘Endure, and reign with him (Kan tuar chuan, a rorelnaah ro kan rel ang) II Timothea 2:12 sawihawnna-keynote address a nei a. Inrinni zan, Pathianni Chawhma leh Chawhnuah te he Inkhawmpuia kan Speaker - Rev. WC Khongwir (Adminsitrative Secy., KJP) te, Rev. Dr. Vanlalnghaka te leh Rev. Lalramliana Pachuau, Administrative Secretary, PCI ten thupui atangin inpawh tha takin an sawi hlawm a. Kawng hrang hrangin ‘Eng nge kan tuar tur chu?, kan tuar apiang pawh Isua  nen kan tuar dawn, amah nen ro kan la rel ang, kan thupui innghahna Timothea lehkhawthawnah hian Chanchin Tha hi a laimu a ni. Chanchin Tha vangin eng harsatna karah pawh engpawh kan tuar huam tur a ni. Pathian chu a rinawm avangin min tiam chu a tihlawhtling ngei ang. Kraws tel lo chuan laLlukhum kan chang lo vang’, tih ten an sawi a ni.
Hruaitu Tharte lakluh leh hlanna Inkhawm chu  Pathianni zanah neih a ni a, hetah hian Leader kalchhuak Rev. BR Khairnaior leh Leader thar Rev. Dr. K. Lallawmzuala ten thu an sawi.
Bible Study tum 1 Inrinni zing dar 7 am-ah Rev. BB Maikhap, Rhiboi Synod-in Phillipi 2:1-12 atangin min neihpui a, 285 kan tel thei a.
Lalpa Zanriah Sakramen chu Pathianni zing dar 6:30-ah theh a ni a, thehtu chu Rev. Dr. LS Khawbung, Moderator, PCI Assembly a ni a, member 300 vel kan tel.
Cultural Night Inrinni zan inkhawm banah kan nei a. PYF hnuaia unit hrang hrangte mahni hnam lam hrang hrang kan entir a. CKTP atangin kan aiawhin a thlengtu Kohhran Chanmari Kohhran huaihawtin Cheraw lam entir a ni
Musical Night chu Pathianni zan Inkhawm banah kan nei bawk.
Report & Rorel Inkhawm chu Inrinni chhunah hman a ni a, rorel palai Rorel Inkhawma tel hi 331 kan ni a, CKTP atangin 68 kan tel a. Palai kal tha ber unit chu JSKJP Sepngi niin  77 an kal a ni.
(1)
Thurelte :
1.    ‘June thla Pathianni hmasa ber hi Environmental Sunday atana hman’ tha tih a ni a. Hemi atana tul chu PCI
General Assembly-a thlen turin PYF Central Committee kutah dah a ni.
2.    PYF OB-te kum bithliah chungchang : PYF Central Committee-a OB  awmte kum bithliah pyf Inkaihhruaina Buin a a tarlan  kum 30 chin tih chu siam remin pyf member atana  kum bithliah kum 14-40 hi hmang se tha tih a ni.
3.    Kum 1 dana neih he Biennial Conference  thleng lehtu tur chu Kristian Vanglai Pawl (Biateram Synod) an ni ang.
4.    Youth Camp neih tura ruahman a ni a, he Youth Camp hi KAGAAA PYF-in November 2012-ah an thleng ang.
5.    Budget Rs. 3,11,000.00 (2011-12) leh Rs. 3,11,000.00 (2012-13) pass a ni.
THUHNUNG : Inkhawmpui chhungin Kohhran Zaipawl, Bial Zaipawl leh Synod hrang hrang zaipawl bakah CKTP atangin Lunglei Presbyterian Choir an rawn tel thei a, zaipawl an thain Inkhawmpui tiropuitu leh tihlawhtingtu ber pakhat an ni. A thlengtu Chanmari Kohhran an fakawm takzet, inpe takin mikhual hmuah kawngahte, inkhawm leh a chhehvel zawng zawngah min thleng hneh hle a ni. Pathian hruainain tluang takin kan inkhawmpui kan hmang thei a, Pathian hnenah lawmthu sawiin Aman ropuina chang rawh se.
Ph. 9436143955(Leader)   9436142643(GS)     www.facebook.com/centralktp  or  cktp.blogspot.com
Central Committee PYF 2011-13.
Office Bearers
Leader    :    Rev. Dr. K. Lallawmzuala (CKTP)
Asst. Leader    :    Rev. Remsiama Ngamlai (CKVP)
Secretary    :    Rev. T. T. Diengdoh (JSKJPS Sepngi).
Asst. Secretary    :    Mr. Francis Lalnuntluanga (MPCN).
Treasurer    :    Elder Monsing Suchiang (CHT).
Committee Members:
1. Mr. Zohmangaiha. (cktp)
2. P/p. K. Laloo Sari.
3. Mr. Lalrothangthiek.
4. P/p Lalramthuara.
5. Miss. Diamon Nongsiej.
6. Rev. B. B. Markhap.
7. Mr. Th. Baite.
8. P/p. Kaimuanlal.
9. Mr. H. Lal fakawma (Tripura).
Publication Committee:
Editor    : P/p K. Laloo Sari. KJSM
Join Editor    :    Mr. R. Lalhmingthanga CKTP
Members:
1. Mr. Mangzalal. ZOO
2. Mr. Spyser Dkhar KJSM
3. Mr. L. T. Moksha RIBHOI
4. P/p Premingson KAGAA
5. Mr. S. W. Khonghat KJS
6. Miss. Limi Nampui BIATERAM
7. Miss. Loye Kabui . KJS.
8. Mr. V.L. Ruatkima CHT.

PCI HNUAIA COMMITTEE PENG HRANG HRANGA PYF AIAWHA TEL TURTE
Executive Committee:
1. Rev. Dr. Lallawmzuala (Leader) & 2. Rev. T. T. Diengdoh (Secretary)
Peace and Justice Committee:
1. Elder Monsingh (Treasurer).
Mission & Evangelism
1. Mr. Zohmangaiha (CCM).
Theological Education Committee
1. Rev. Remsiama Ngamlai (Asst Leader)
Christian Communication Committee.
1. Mr. Francis Lalnuntluanga (Asst Secy)

Source: http://cktp.blogspot.com/

CKTP HRUAITUTE 2010-2012

Designation                              Name                                           Contact No.

Leader :                                    Rev. K. Lalpiangthara                       9436143955
Asst. Leader :                            Pu Zohmingliana                               9436159856
Gen. Secretary :                        Upa Lalrinmuana                               9436142643
Asst. Secretary :                       T. Upa Dr. C. Zarzoliana                    9436154486
Treasurer :                                Pu Lalmuanawma                               9436196819
Fin. Secretary :                         Pu Vanlalfinga                                     9862303241
Committee Member-te

Pu H. Liantluanga 9436361167
Pu Lalthanmawia 9436141879
T. Upa Lallianmawia 9436192743
Pu Lalrohlua 9862573500
Dr. Samuel Vanlalthlanga 9436362173
T. Upa Zothangzuala Chhangte 9436152841
Pu R. Lalhmingthanga 9436152362
Tv. Zohmangaiha 9862018161
Tv. Vanlalhruaia 9436146913
Pu Lalhruaizela 9436156832
Pu Lalramdina Ralte 9436360865
Tv. V.L. Muanchhana 9862976771
Pu Lalnghinglova Hauzel 9436141979
Pu Saizamliana Sailo 9436148727
Pu Lalmuanpuia 9436142398
Ex-Officio members
Rev. C. Lalsangliana – Synod Moderator
Rev. P.C. Pachhunga – Synod Secretary (Sr.)
Rev. Lalzuithanga – Executive Secretary, i/c KTP

KTP INKAIHHRUAINA DAN

1.    Pawl hming    :    Kristian Thalai Pawl (KTP)

2.    Thupui             :    Rawngbawl tura chhandam

3.    Thupui innghahna    :    Ephesi 2:10

    “Thil \ha ti atan Krista Isuaah chuan siama awmin ama kut chhuak kan ni si a; chu thil \ha tih chu kan awmna turin Pathianin a buatsaih lawk a ni.”

4.    A thil tumte    :   

    1)    Isua Krista rinna leh amah anna kawnga \halaite hruai.

    2)    Kohhran kutke ni tura \halaite buatsaih.

    3)    Kohhran hnathawh tihpuitlin.

    4)    Krista Chanchin |ha puan darh.

BUNG - I

MEMBER NIHNA LEH DINHMUN

1.    Kristian |halai Pawla tel turte chu Presbyterian Kohhran mi an ni tur a ni.

2.    Kum 14 a\anga 40 thleng, he pawl thiltumte pawma lo tel duh apiangte chu pawl member an ni thei ang.

3.    Branch-in kum tinin an Kohhran  huam chhunga Kohhran in tina lutin pawl member tur, mahni duhna ngeia inpete hming a ziak lut \hin ang.

4.    Kohhran dan chhunga awmte chauh he pawl Office Bearer, Committee member leh rawngbawlna pawimawh dang atan hman tur a ni.

BUNG - II

PAWL INDIN DAN

    Kristian |halai Pawl hi chhawng thum - Branch, Bial leh Central tia \hen a ni a. A insuihkhawm dan atan chuan a hnuaia tarlan ang hi zui a ni ang.

1.    Branch K.|.P. :

    1)    Kohhran leh Branch Church tinah Branch pakhat zel a awm thei ang.

    2)    Branch K.|.P. chu Kohhran Committee remtihpuiin din tur a ni a. Branch din fel a nih veleh Bial K.|.P. Committee kaltlangin Central K.|.P.-ah inziah luhtir tur a ni. Hemi rual hian Registration fee Rs. 50/- an pe nghal bawk ang.

3)    Office Bearer-te chu hengte hi an ni ang :

    i)     Leader                    

    ii)     Assistant Leader   

    iii)     Secretary                

    iv)     Assistant Secretary   

    v)     Treasurer               

    vi)     Finance Secretary

4)    Branch K.|.P. Committee-a tel turte chu hengte hi an ni ang :

    i)     Office Bearer-te   

    ii)     Committee member atana ruatte   

    iii)     Kohhran committee aiawhte

    iv)     Ex-Officio member-te :

        a)     Bialtu Pastor leh Pro. Pastor   

        b)    Branch huam chhunga Central K.|.P.                hruaitu \anglaite.

        c)    Branch huam chhunga Bial K.|.P. Office                 Bearer \anglaite

5)     Kohhran Committee-in \ul a tih chuan Branch \hiah thlengin thu a nei ang.

6)     Branch K.|.P. Committee-in \ul a tih chuan Branch chu Group        hrang hrangah a \hen thei ang.

2.    Bial K.|.P. :

    1)    Bial tinah Kristian \halaite insuihkhawmna Bial K.|.P. din a ni ang.

    2)    Bial K.|.P. chu Bial Standing Committee remtihpuia din tur a ni a; din fel a nih ve leh Central K.|.P.-ah inziah luhtir tur a ni

    3)     Office Bearer-te chu hengte hi an ni ang :

        i)     Leader               

        ii)     Assistant Leader   

        iii) Secretary           

        iv) Assistant Secretary

        v) Treasurer           

        vi) Finance Secretary

    4)     Bial K.|.P. Committee-a tel turte chu hengte hi an ni ang :

    i)     Office Bearer-te   

    ii)     Committee member atana ruatte   

    iii)     Ex-Officio member-te :

        a)     Bialtu Pastor leh Pro. Pastor   

        b)     Bial Inkhawmpui Chairman leh Secretary            c)    Bial huam chhunga Central K.|.P. hruaitu                 \anglaite

    5)     Bial Standing Committee-in \ul a tih chuan Bial K.|.P. \hiah thlengin thu a nei ang.

3.    Central K.|.P.:

    1)     Mizoram Presbyterian Kohhran pum huapa \halaite rawngbawlna ngaihtuahtu Central K.|.P. din a ni ang.

    2)     Office Bearer-te chu hengte hi an ni ang :

        i)     Leader                   

        ii)     Assistant Leader

        iii)    General Secretary       

        iv)    Assistant Secretary   

        v)     Treasurer               

        vi)    Finance Secretary

    3)    Central K.|.P. Committee-a tel turte chu hengte hi an ni ang :

        i)     Office Bearer-te   

        ii)     Committee member atana thlante

        iii)     Co-Ordinator/Assistant Co-Ordinator

            i/c K.|.P.

        iv) Ex-Officio member-te

            a) Synod Moderator   

            b) Synod Secretary           

            c) Synod Executive Secretary i/c K.|.P.

BUNG - III

HRUAITUTE THLAN DAN

1.    Branch K.|.P.

    1)     Branch K.|.P. Office Bearer-te chu member-ho inkhawmin kum tin thlan \hat tur a ni.

    2)     Kohhran Committee-in \ul a tih chuan inthlan hmain Leader tur a ruat thei ang.

    3)     Branch K.|.P. Committee-in \ul a tih chuan Office Bearer atana thlan awm mite a nominate thei ang.

    4)     Inthlan dan tur chu Kohhran Committee hriatpuiin Branch K.|.P. Committee-in a rel fel \hin ang.

    5)     Inthlanna chu post mal malin emaw, a hlawma mi paruk emaw thlan chhuaha tih theih a ni ang.

    6)     Vote inang hmu an awm chuan inthlanpuitute’n \ha an tih angin an rel thei ang.

    7)     Post mal mala inthlan a nih chuan Leader, Assistant Leader, Secretary, Assistant Secretary, Treasurer, Finance Secretary indawta thlan tur a ni.

    8)    A hlawma mi paruk thlan chhuah an nih chuan inthlan a\anga ni sarih (7) ral hmain thlan tharte chuan Kohhran aiawh leh Ex-Officio Member-te kaihhruainain chanvo an invuah tur a ni.

    9)    Committee member turte chu Office Bearer, Kohhran aiawh leh Ex-Officio member-ten \ul an tih    zat an ruat \hin ang a, Bial K.|.P. Committee leh Kohhran Committee a hriattir ang.

    10) Mi pakhatin a zawnin chanvo ngai kum thum (3) thleng a chelh thei ang.

    11) Office Bearer leh Committee member-te eng vang pawha an nihna chelh zui thei lova an awm chuan Branch Office Bearer, Kohhran aiawh leh Ex-Officio member ten \ha an tih angin an rel \hin ang.

2.    Bial K.|.P.

    1)     Bial K.|.P. Office Bearer-te chu Bial K.|.P. Conference-in kum khat (1) chhung \ang turin a thlang    \hin ang.

    2)     Bial Standing Committee-in \ul a tih chuan inthlan hmain Leader tur a ruat thei ang.

    3)     Bial K.|.P. Committee-in \ul a  tihchuan Office Bearer atana thlan awm mite a nominate thei ang.

    4)     Bial K.|.P. Committee-in inthlan dan turte a rel fel \hin ang a, inthlanpuitu tur \ul a tih zat a ruat \hin ang.

    5)     Inthlanna chu post mal malin emaw, a hlawma mi paruk emaw thlan chhuaha tih theih a ni ang.

    6)     Vote inang hmu an awm chuan inthlanpuitute’n \ha an tih angin an rel thei ang.

    7)     Post mal mala inthlan a nih chuan Leader, Assistant Leader, Secretary, Assistant Secretary, Treasurer, Finance Secretary indawta thlan tur a ni.

    8)     A hlawma mi paruk thlan chhuah an nih chuan Bial Conference chhung ngeiin thlan tharte chuan Ex-Officio Member-te kaihhruainain chanvo an invuah tur a ni.

    9)     Committee member turte chu, Office Bearer leh Ex-Officio member-ten \ul an tih zat an ruat \hin ang.

    10)Inthlanna neih fel a nih veleh Central K.|.P. leh Bial Standing Committee a hriattir tur a ni.

    11)Mi pakhatin a zawnin chanvo ngai kum thum (3) thleng a chelh thei ang.

    12)Office Bearer leh Committee member-te eng vang pawha an nihna chelh zui thei lova an awm chuan Bial K.|.P. Office Bearer leh Ex-Officio member ten \ha an tih angin an rel \hin ang.

3.    Central K.|.P.

    1) Leader chu Synod Executive Committee-in kum hnih (2) \ang turin a ruat \hin ang a, a \ul chuan a ngai emaw term hmasa lama Leader lo ni tawh emaw te pawh a ruat nawn thei ang.

    2)     General Secretary chu Synod Co-Ordinator-te zing a\angin emaw Ordained Minister-te zing a\angin emaw Synod Executive Committee-in a ruat \hin ang a, a term chungchang chu Synod Executive Committee kutah a awm ang.

    3)     Inthlanna a awm dawn \um chuan Central Committee-in Committee member atana thlan awm mi,    Aizawl khawpui chhung Bial tin a\angin pakhat \heuh a ruat lawk (nominate) \hin ang a, a \ul chuan Bial K.|.P. Committee a rawn thei ang.

        Central Committee member atana rawt (nominee)-te chu Bial/ Branch aiawh palaia ruat an nih loh chuan chhimtu anga ngaih an ni ang a, vote an nei lovang.

    4)     Central K.|.P. Committee member turte chu General Conference-in nominate-te zinga mi chu kum hnih (2) chhung \ang turin mi sawm pariat (18) a thlang \hin ang.

        Central K.|.P. Committee member tur thlannaa inthlanpuitu tur chu Central K.|.P. Committee-in General Conference hmain a ruat lawk \hin ang.

    5)     Hruaitu thlan tharte chuan Synod Moderator leh   Ex-Officio member-te kaihhruainain Office Bearer tur General Conference chhung ngeiin an inruat fel ang.

    6)     Office Bearer leh Committee Member-te chu term hnih (2) kum li (4) atan thlan theih an ni ang.

    7)     Central hruaitute eng vang pawha rawngbawlna chelh zui thei lova an awm chuan Central K.|.P. Committee-in \ha a tih angin a rel \hin ang.

BUNG - IV

COMMITTEE HNATHAWH TUR LEH MAWHPHURHNATE

1.    Branch K.|.P. Committee

    1)     An Branch huam chhunga \halaite leh tleirawlte Krista hnena hruaitu, Kohhran kutke \angkai ni tur leh Pathian thu hriatna lama hmasawnna an neih theih nan rawngbawlna kawng hrang hrang a ngaihtuah \hin ang a, a \ul dan azirin Bial K.|.P. Committee pawh a rawn \hin ang.

    2)     Kum tinin an Branch chanchin Bial K.|.P. Conference-ah an report \hin ang.

    3)     Branch-in Central Committee hnenah thu thlen tur a neih chuan Bial Committee kal tlangin a thlen tur a ni.

    4)     Pawisa lamah Branch chu a intodelh tur a ni.

    5)     Anmahni Branch pawn khawih tel programme a nei dawn emaw, a tel dawn emaw a nih chuan Kohhran Committee remtihpuina a la hmasa \hin ang a, Bial K.|.P. Committee leh Bialtu Pastor a hriattir \hin ang.

2.    Bial K.|.P. Committee

    1)     Bial chhunga Branch tinte kaihhruai leh tihchak dante a ngaihtuah \hin ang.

    2)     Branch rawngbawlna chungchangah Bial chhunga rel tur \ul awm apiang chu a rel ang a, a \ul dan angin Bial Conference pawh a rawn \hin ang.

    3)    Bial chhunga Branch hrang hrang thu theh luhte a ngaihtuah \hin ang a, a \ul chuan Central K.|.P. Committee-ah a thlen \hin ang.

    4)    Bial chhunga Branch te rawngbawl dan chanchin Bial Conference-ah a report \hin ang.

    5)     Bial Committee hnathawh leh Bial chhunga Branch te rawngbawl dan Central K.|P.-ah kum tin a report \hin ang.

    6)     Pawisa lamah Bial Committee chu intodelh tura beisei a ni a, \ul a tih chuan Bial chhunga Branch hrang hrangah thawhlawm a khawn thei ang.

    7)     Bial pawn lam khawih tel programme a huaihawt dawn emaw, a tel emaw a nih chuan Bial Standing

Committee emaw, Bialtu Pastor remtihpuina emaw a la hmasa \hin ang a, Central K.|.P.-ah a hriattir \hin ang.

3.    Central K.|.P. Committee

    1)     Mizoram Presbyterian Kohhran pum huapa \halaite zinga rawngbawlnaa mawhphurtu ber a ni.

    2)     Ram insingsak dan leh \han zel dante leh Kohhran rawngbawlna kal zel thlir chungin, \hangtharte huikhawm zawnga rawngbawlna kawng tharte zawngin a ngaihtuah \hin ang.

    3)     A remchan ang zelin khawvel pum huapa \halaite programme-a tel leh zau zawka rawngbawlna tur a ngaihtuah ang.

    4)     |ul a tih chuan Bial leh Branch a\angin thawhlawm a khawn thei ang.

BUNG - V

CONFERENCE CHUNGCHANG

1.    Bial K.|.P. Conference :

    1)     Bial tinin Bial K.|.P. Conference kum tin vawi khat an nei \hin ang.

    2)     Bial K.|.P. Conference-ah hian Branch tin a\anga rorel palai intirh tur zat chu Bial K.|.P. Committee-in \ul a tih chuan a bithliah thei ang.

2.    K.|.P. General Conference :

    1)     K.|.P. General Conference chu kum khat danah neih a ni ang.

    2)     K.|.P. General Conference-ah hian Branch leh Bial tin a\anga rorel palai intirh tur zat chu Central K.|.P. Committee-in \ul a tih zat a bithliah \hin ang.        3)     General Conference thlengtu tur chu Central K.|.P. Committee-in a ruat \hin ang.

    4)     General Conference neih loh kumah Rorel Inkhawm neih \hin a ni ang.

BUNG VI

|UL DANGTE

1.    Sum Audit :

    Branch, Bial leh Central K.|.P. sum chu Synod Financial Rules-in audit dan tur a sawi angin kum tin audit \hin tur a ni.

2.    Inhruaina Dan siam \hat thu :

    Kristian |halai Pawl Inhruaina Dan siam \hat leh tihdanglam thuah chuan Central K.|.P. Committee-in rawtna a siam ang a, Synod Executive Committee-in a pawm hnuah hman a ni ang.

BUNG VII

K|P PRESBYTERY MEET NEIH DAN TUR

[Vide SEC 213:13; 214:11; 2007 Synod Gen. 73;

SEC 217:35; 218:39(A)]

    Kum 2007 Synod General 73 chuan General Conference neih loh kuma Presbytery huapa intawhkhawm neih chu kan rem ti a. SEC-in lo bawhzui rawh se tiin a pe let leh a ni. SEC 217:35 chuan Central K|P Committee-in rawtna siamin SEC-ah rawn thlen leh rawh se, a tih chu CK|P Committee chuan bawhzuiin SEC-ah a thlen leh a. SEC 218:39(A) chuan kum 2009 a\anga hman \an turin ruahmanna chu a pawm ta a ni.

1.    A hming    :    Kristian |halai Pawl ‘Presbytery Meet’ tih a ni ang a, a mawhphur turin ‘Presbytery Meet’ Committee siam a ni ang.

2.    Hruaitu inruat dan    :    Presbytery Meet Committee-chu Presbytery Standing Committee-in a huam chhunga Bial K.|.P. Office Bearer-te a\angin a ruat \hin ang.

    1)    Office Bearer    :

            Chairman            :   

            Vice Chairman        :   

            Secretary            :   

            Asst. Secretary        :

            Treasurer            :   

            Finance Secretary    :   

    2)    Committee Member    :    Committee Member-te chu Office Bearer leh Ex-Officio te’n \ul an tih zat an ruat \hin ang.

    3)    Ex-Officio :   

        a)    Presbytery Moderator leh Secretary (Sr.)

        b)    Bialtu Pastor leh Pro. Pastor-te

        c)    A huam chhunga Central K.|.P. Committee Member-te

3.    Committee hnathawh tur leh mawhphurhnate :

    1)    General Conference neih loh kumah meet \um khat a buatsaih \hin ang.

    2)    Meet neih dan tur rel leh ngaihtuah bak chu rorel tura ngaih a ni lo.

    3)    Meet neihna hmun leh hun chu an remchan ang \heuhvin an ruat \hin ang.

    4)    Meet senso tur a theih angin a ngaihtuah ang a, a huam chhunga Bial leh Branch-te tum tur a \ul angin a ruahman \hin ang. Sum sen hautak lo thei angin ruahman ni se.

    5)    Central K.|.P.-a inkhaikhawmna leh inthlunzawmna dip leh hliah tur zawngin hma lak tur a ni lovang.

    6)    Minute-bu leh Account-bu fel takin a vawngin a enkawl ang a, meet neih zawhah Presbytery Secretary hnenah thehluh \hin tur a ni.

    7)    Meet Committee sum chu audit \hin tur a ni.

4.    Hruaitu term : Meet Committee ruat a nih a\anga Meet neih zawh thleng a ni ang.

KTP. CHANCHIN TAWI

• 1. November 27, 1953 zanah Teachers' Training School-ah Aijal mi pawimawh deuh deuhte leh thingtlang Middle School Staff te'n Kohhran chhunga thalai awmte mumal nei deuh taka suihkhawm a, Krista rawng bawl tura an mawhphurhna hriat chiantir lehzual theihna turin pawl an din a, Provisional Committee an siam a, hei hi KTP lo din chhuahna bul chu a ni a. Synod Standing Committee-ah an thlen a, Synod Standing Committee chuan 16.2.1954-ah rem an ti a (SSC thurel no.3).
• Mumal taka KTP din ni hi record hmuh a nih mai loh avangin Central KTP chuan tihchian tula hriain chhui \hin a ni a, hruaitu hmasate an kawm atangin a ni chiang taka hriat theih an nei lo a, document pawimawh hmuh chhuah a ni lo bawk. Chuvang chuan February 23-26, 1989 chhunga General Conference, Khawzawl Venglaia neihah chuan February 22, 1954 chu KTP din tan hun, KTP Day atan pawm a lo ni ta a.
• Kum 2005 khan Central Kristian |halai Pawl (K.T.P.) chuan KTP Day atan hian ni chi hrang pathum awm thei- February 27, 1953- Provisional Committee an siam zan; February 26, 1954, Synod Standing Committee-in an rel ni leh February 22, 1954, KTP Daya hman mekte hi tihchian \ula hriain Synod Executive Committee-ah a thlen leh a. SEC chuan February 22, 1954 hi KTP Day atan a nemnghet fel ta a ni.(SEC) February 22, 1954 hi KTP din tura an thutkhawmna hmasa ber ni loin Synod Standing Committee-in an rel hnua an meeting neih hmasak ber ni a ni thung.
• Hruaitute chu Provisional Committee an dina mite kha an ni. A din ni leh a din dan hi heti teh nuai a nih avang hian hruaitu hmasate pawh hi a chiang mawh ta hle a, chi hniha tarlan mai a chi awm e, hetiangin:
• Provisional Committee hruaitute (27.11.1953-24.9.1954)
• Chairman : Pu O.W.Owen
• Vice Chairman : Pu Lalthankima
• Org. Secretary : Nl. Zokhumi
• Asst. Secretary : Tv. Luka
• Treasurer : Pi Owen-i
• Committee Members:
• 1.Tv. Vanlalkunga, Dawrpui
• 2. Pu Thanhnuna (Ztu), Venghlui
• Hruaitu thlan hmasak te:
• September ni 24,1954-a General Conference hmasa bera hruaitu an thlan te chu hengte hi an ni.
• Chairman : Rev. O.W. Owen
• Vice Chairman : Pu Lalthankima
• Organising Secretary : Nl. Saptawni
• Assistant Secretary : Tv. Vanlalkunga
• Treasurer : Mrs. O.W. Owen
• Financial Secretary : Nl. Thangpuii
• Committee members :
• 1) Nl. Denghlunchhungi
• 2) Nl. Rinkimi
• 3) Nl. Zokhumi
• 4) Tv. Dawngliana
• 5) Tv. Pachhunga
• 6) Tv. Thanhnuna
• 2. K|P thupui atan ‘Rawngbawl tura Chhandam’ (Saved to Serve) thlan a ni a. Bible chang innghahna atan II Timothea 2:3 hman a ni a. Hemi hnu lawkah hian remchang zawka ngaiin Ephesi 2:10 hman a ni ta zawk a ni.
• 3. K.|.P hian thiltum pali a nei a, chungte chu -
• i) Isua Krista rinna leh amah anna kawnga \halaite hruai
• ii) Kohhran kutke ni tura \halaite buatsaih
• iii) Kohhran hnathawh tihpuitlin
• iv) Krista Chanchin |ha puan darh
• 4. Kristian |halai Pawla tel turte chu Presbyterian Kohhran chhunga mi an ni tur a ni a. Kum 14-40 thleng he pawl thiltumte pawma tel duh apiangte chu member-ah tel theih a ni a, kum tin member lak thar \hin tur a ni.
• 5. Inkaihhruaina Dan tawi fel tak siam a ni a, hei hi Synod Executive Committee pawmpuia siam a ni. K.|.P. Inkaihhruaina Dan hi kum 1954, 1962, 1969, 1974, 1978, 1982, 1985, 1990, 1995, 1999, 2004-ah ennawn leh chhut \hat a ni tawh.
• 6. Central KTP hruaitute hi KTP General Conference-ah thlan a ni \hin a. Mi pakhat tan term hnih (kum 4) bak chelh theih a ni lo. Leader leh General Secretary erawh chu Synod Executive committee ruat a ni.
• 7. Central KTP hian lehkhabu eng emaw zat a chhuah tawh a. Ram pum huapin Essay, Drama leh Hla inphuahsiakte a buatsaih bawk \hin. Central hruaitute hian ram chhung leh ram pawn hmun hrang hrangah - Leadership Training, Workshop, Consultation, Seminar, etc. neiin an zin chhuak \hin a. Kum tin K.|.P. General Conference a huaihawt bawk \hin a, S.E.C. remruatnain kum 2005 atangin kum khat danah a huaihawt ta thung a ni.
• 8. KTP-in kum puan a neih tawh dan hetiang hi a ni:-
• 1987–88 - Mizorama Hnam dang ringlomite beihpui kum
• 1989 - Missionary Year
• 1990 - Zuk leh hmuam do kum
• 1991–93 - Mahni intodelh kum
• 1994 - Pathian thu zir uar kum
• 1995–98 - Kristian chhungkaw kum
• 2000-2001 - Kristian Nun - Thianghlimna kum
• 2002-2003 - Rinawmna
• 2004-2005 - Lalpa tih
• 2007-2008 - Lalpa tih
• 2008-2009 - Kristian Nun - nghehna
• 2009-2010 - Rorelna Dik
• 2010-2011 - Member Hlate Hnuhhnaih
• 2011-2012 - Thuawihna
• (Kum puan ni chiah lo, ram pum huapa hmalakna vawi eng emaw zat neih a ni bawk).
• 09. Mizoram Synod Choir, kum 1983 atanga din (KTP bikin a din tak chu 1985 a ni) chu Central KTP hian a enkawl a, zaipawlte rawngbawl dan tur hi a ngaihtuahsak \hin a ni.
• 10. Kristian Thalai Pawl chanchinbu ‘Kristian |halai’ hi kum 1970 a\ang khan chhuah a ni a. 1979 atangin thla tin tluang taka chhuah a ni a.
• 11. KTP chhinchhiahna (Emblem) mawi tak 1992-ah siam a ni a. Bial leh Branch tinte tan Flag, Emblem chuang siam a ni bawk.
• 12. KTP hi Presbyterian Youth Fellowship (P.Y.F.)-ah leh North East India Christian Council Youth Assembly (N.E.I.C.C.Y.A.)-ah telin a hnarkaitu pawimawh tak a ni reng bawk.

KOHHRAN THURIN SAWM

KOHHRAN THURIN SAWM

Thuhmahruai

India Ram Presbyterian Kohhran chuan (Apostol thurin te, Nicea thurin te, Westminster thurin leh Wales Ram Presbyterian Kohhran thurinte chu Pathian thu hrilhfiahna tha tawka ngai a, Kohhran tan leh Pathian thu zirna hmunahte zirtir tlak nia pawm tlat chungin), a hnuaia thurin puanchhuahna thute hi a Pastor te, Probationary Pastor-te, Upate leh Kohhran Dan zawhkimten an vawn ngheh tlat atan a pawm a ni.

THURIN - I

Thuthlung Hlui leh Thuthlung Thar Bute hi Pathian Thu a ni a, heng chauh hi rinna leh thiltih tehna dik lo thei lo a ni.

THURIN - II

Pathian pakhat chauh a awm a, Amah chauh chu biak tur a ni. Amah chu Thlarau, mahnia awm a, hmun tina awm, thlarau dang zawng zawng leh thil dang reng reng laka hrang si a ni a. A miziaah te, finnaah te, thiltihtheihnaah te, thianghlimnaah te, diknaah te, thatnaah te, taknaah te leh hmangaihnaah te tawp chin nei lo, chatuan mi, danglam ngai lo a ni.

THURIN - III

Pathianah chuan mi nung pathum, Pa leh Fapa leh Thlarau Thianghlim an awm a, an pathum hian Pathian pakhat an ni a, nihna thuhmun, thiltihtheihna leh ropuinaa intluk an ni.

THURIN - IV

Lei leh van leh a chhunga thil awm zawng zawng siamtu Pathian chuan mihring hi, hriatna, felna leh thianghlimnaa Ama anpuiin mipaah leh hmeichhiaah a siam a. Mi zawng zawng hi bul thuhmun leh chhungkaw khata unau anga inthui khawm vek kan ni.

THURIN - V

Mihringte chuan anmahni duh thu ngeiin Pathian dan an bawhchhia a, thiam lohna leh chhiatnaah chuan anmahni an inbarh lut ta a. Chu thiam lohna leh chhiatna leh sual hremna ata chu anmahni chhan chhuak tur leh chatuan nunna pe turin hmangaihna tawp nei lo Pathian chuan, A chatuan Fapa neih chhun Lal Isua Krista chu khawvelah a rawn tir a; Ama zarah chauh chuan mihringte hi chhandamin an awm thei a. Chu chatuan Fapa chu mihring takah a lo chang a, mi nung pakhat mize pahnih nei, Pathian tak leh mihring tak a ni kumkhua ta a ni. Thlarau Thianghlim thiltihtheihnain nula thianghlim Mari chuan a pai a, a hring a; mahse, sual a nei lo. Mi sualte tan Pathian dan chu a zawm famkim a, Pathianin dikna a phut hlen chhuak tur leh mihringte Pathian remtir turin, inthawina tak leh famkim atan a inhlan a, kraws-ah a thi a, phumin a awm a, ni thum niah mitthi zing ata a tho leh a. Pathian ding lamah a han chho va, chutah chuan a mite tan a dilsak reng a, chuta tang chuan mitthite kai tho tur leh khawvel rorel turin a lo kal leh ang.

THURIN - VI

Thlarau Thianghlim, Pa leh Fapa ata lo chhuak chuan mihringte chu chhandamna changtuah a siam a, an sualzia leh chungpikziate a hriat chiantir a. Krista hriatna kawngah an rilru a tivar a, an duhthlannate chawk thovin, Isua Krista chu an Lalpa leh Chhandamtua pawm tura ngenin, pawm thei turin a pui a, anmahniah felna rah chi tinreng a thawk chhuak thin.

THURIN - VII

Pathianin Kristaah chuan mi zawng zawng hnenah chhandamna famkim chu a thlawnin a rawn hlan a, an sualte simtir leh Lal Isua Krista chu an chhandamtu atana ring tur te, Amah entawn a, Pathian duh ang taka inngaitlawm leh thianghlima nung tur tein thu a pe a. Krista chu ringa, a thu zawmtute chu chhandam an ni a, sual ngaihdamna te, thiam chantirna te, Pathian fa nihna te, Thlarau Thianghlim chanpuina azara tihthianghlimna te, chatuan ropuina te an chang a. Ringtute chuan tun dam chhung pawhin chhandam nih inhriat chianna lawmawm tak chu an chang thei a. Thlarau Thianghlim chuan khawngaihna hna a thawhin, Thu te, Sakramen te, |awngtaina te hi hmanruaah a hmang deuh bik thin a ni.

THURIN - VIII

Krista din chhuah Sakramen-te chu Baptisma leh Lalpa Zanriah te hi an ni. Baptisma chu Pa leh Fapa leh Thlarau Thianghlim hminga tuia sil a ni. Hei hi Krista nena kan inzawmna te, Thlarau Thianghlim zara piantharna leh tihnunna chhinchhiahna leh nemnghehna a ni a, Lalpa hnena kan inhlanna thiltih a ni bawk. An sualte sim a, Krista chu an chhandamtu atan an ring tih puangtute leh an fate chantir tur a ni.

Lalpa Zanriah chu Krista thihna hriat reng nana chhang leh uain chan ho hi a ni a, ringtuten Krista thihnaa hlawkna an chan chhinchhiahna leh nemnghehna a ni. Ama mite chuan Amah leh a inhlanna an pawmzia te, an hlawkpuizia te, a rawngbawl tura an inpek zelna te, Amah an pawlna leh mi dang nena an inpawlna te entir nan, A lo kal leh hma loh chuan an chang ho thin tur a ni. Sakramen hlawknate chu Krista malsawmna avang leh rinnaa changtuah Thlarauvin a thawh avanga lo awm a ni.

THURIN - IX

Ringtu zawng zawng tih tur chu Kohhran inpawl honaa tel te, Krista Sakramen leh a thil serh dang vawn that te, A dan zawm te, tawngtai zel te, Lalpa Ni serh thianghlim te, Amah be ho tura inkhawm te, A thu hril ngun taka ngaihthlak te, Pathian malsawmna an dawn ang zela hlim taka pek ve thung te, anmahniho zingah leh mi zawng zawng zingah Krista nungchang ang tihlan te, khawvel puma Krista ram tizau tura beih te, ropui taka a lo kal lehna hun nghah te hi a ni.

THURIN - X

Ni hnuhnungah chuan mitthite chu kaihthawhin an awm ang a, mi zawng zawng Krista rorelna thutphah hmaah an lang ang a, he dam chhunga an thiltih that leh that loh ang zelin relsak an ni ang. Ringlote leh mi sualte chuan thiam loh changin an sual hremna an tuar ang; Krista ring a, a thu zawmtute erawh chu a langchanga thiam chantirin an awm ang a, ropuinaa lawm luhin an awm ang.